Chapter 64: Batang Lalaki
Napabuntong hininga si Gabriel na isinara ang pinto ng kanyang kwarto. Tila takbuhan na siya ng mga multong may problema ngayon. At nailalapit na niya ang sarili sa mga kakaibang nilalang sa mundo ng kayang ginagalawan. Hindi man niya sinasadya ngunit ito yata ang nakatadhana sa kanya.
Lumabas si Gabriel sa kanyang kwarto. Hindi naman siya titigilan ng multo kapag hindi niya ito tinulungan. At isa pa, nakakaawa ang batang multo.
Nang nasa tapat na siya ng pinto ay hindi na siya nag-aalinlangang buksan ito. Bumungad kaagad sa kanya ang multo. Sobrang lungkot ng mukha nito dahilan para mas lalo pa siyang maawa.
"Hello, bakit ka nandito?" ngumiti si Gabriel at napaluhod siya sa harap ng batang lalaki. Sa kanyang pagkakatantya ay nasa walong taong gulang na ito. H
