Part 2
NANG matapos ang buong klase ay sumaglit na muna ako sa library para sa isang research. Sinabi ng professor kanina na wala iyon sa internet at tanging nasa libro lang na matatagpuan sa library.
Medyo binilisan ko ang aking kilos. Ayokong abutin ako ng alas sais dahil mapanganib at bawal rin. Sobrang higpit na ng University. Alam ko na ang paghihipit na iyon ay hindi dahil sa may mapapahamak na naman. Hinigpitan nila ang campus sa gabi dahil ayaw nila itong mapasok ng kahit na sino upang walang maka-diskubre sa tinatagong baho ng mga staffs! Hindi ko hahayaan iyon. Kaunti na lamang kaming kumikilos at nakahanda akong sumugal.
Habang tinitingnan ko ang mga libro ay may kakaiba akong naramdaman. Napatingin ako sa paligid. At may nakita akong estudyante na nakatingin lang sa akin.
