“NASA OSPITAL ang pinsan mo,” wika ni Johanna, matamang nag-iisip.
Tumango si Garrett habang hindi inaalis ang mga mata sa daan. Nasa sasakyan sila sa kasalukuyan at patungo sa ospital na kinaroroonan ng pinsan nito. Nagtataka siya kung bakit hindi niya gaanong makitaan ng pag-aalala ang binata. Tila hindi na nakakagulat na nangyayari ang bagay na ito.
“Nag-aalala ako, `wag mong isipin na hindi,” sabi ni Garrett na sandali lang siyang nilingon. “Ang sabi niya ay maayos siya. Nadaplisan lang ng bala. Kailangan lang daw niya ng tulong sa pag-uwi. Reid has a dangerous job and he’s very passionate about it. Minsan ay hindi maiwasang napapahamak siya at ako ang madalas niyang tawagan, hindi ang kanyang immediate family.”
“Doctor Astrid is so sweet and kind. If he’s her younger brother, I im
