NAPAPANGITI na lamang si Joebbie habang pinagmamasdan niya ang kanyang mga anak kasama si Wayne. Parang mga ama na ito ng kanyang mga anak habang naglalaro sa dagat. Nahiling niya nga na sana si Wayne na lang ang ama ng kanyang mga anak. Tila ito ideal father at------
Hindi niya naituloy ang iniisip. Bigla siyang nahiya sa kanyang mga iniisip lalo na at hindi pa naman siya hiwalay kay Charlie. Baliktarin niya man ang lahat ay kasal pa rin siya sa lalaki.
“Bakit hinahayaan mo na lumapit si Isabel kay Wayne? Dalaga na ang anak natin at hindi magandang tingnan na malapit siya sa ibang lalaki na hindi naman niya kaano-ano. Maiintindihan ko sana kung si James ang kasama ng mga bata,” wika sa kanya ni Charlie na bigla na lamang sumulpot.
“Ugali mo ba talagang manira ng ibang tao para magmukha
