NASA MARRIOTT HOTEL nanatili si Joebbie at Wayne dahil inabot na sila ng gabi. Iyon naman talaga ang plano nila ang manatili doon lalo na at sa condominium ni Wayne nakatira si James. Alam niya rin na sa marriott hotel din nagpalipas ng gabi si Mandy. Paniwalang-paniwala ito sa kasal na inaalok ni James. Hindi niya rin mapigilang hindi mapangiti sa nangyari kanina dahil alam niyang galit na galit si Mandy sa kanya. Napahiya lang naman ito kanina. Sinadya niya na magpakita sa babae dahil gustong niyang ipakita rito na alam niya ang ginagawa nitong kalokohan. Gusto niyang mapraning ito at matakot sa ginagawa nito. Hindi niya nga lubos akalain na napakadaling paibigin Mandy. Napakadali nitong bitawan si Charlie. Napailing na naman siya dahil ito ang ipinalit ni Charlie sa kanya. Isang babaeng
