NAGULAT pa si Charlie nang madatnan niya sa kwarto si Mandy. Hindi naman kasi ito nagpasabi na uuwi na pala dahil ilang beses niya itong tinawagan pero nakapatay naman ang cellphone. Napansin niyang mukha itong wala sa sarili.
“Nandito ka na pala,” untag niya sa babae.
“Kanina pa,” mainit ang ulo nitong sagot sa kanya.
“Sabi ni Danica ay tawagan daw kita pero hindi mo sinasagot ang tawag ko. Hindi ko nga alam kung saan sa Manila ka tumuloy.”
“Sinabi ko naman sayo na busy ako. Tinawagan din naman kita pero hindi mo sinasagot ang tawag ka. Lasing na lasing ka daw sabi ni Danica,” sagot pa sa kanya ni Mandy.
Sino ba naman ang hindi maglalasing kung hindi siya ang naging COO? Ang masaklap ay ang asawa niya ang umagaw sa kanyang inaasahang posisyon.
“Bakit ba naglalasing ang isang tao? Sa
