SINUBUKANG mabuhay ni Kiel sa Canada na wala si Angz. Pinilit niyang kalimutan ang babae pero kahit ano ang gawin niya ay hindi niya magawa. Palaging si Angz ang laman ng kanyang isipan. Hindi ganun kadali ang move on lalo na at mahal na mahal niya ang babae. Maging ang pag-uusisa ng kanyang mga magulang dahil sa biglaan niyang pag-alis ay hindi niya rin masagot lalo na at gusto ng mga ito si Angz.
Hanggang ngayon ang wallpaper pa rin ng kanyang cellphone ay ang larawan ni Angz kahit na galit siya sa babae at labis ang kanyang pagdaramdam. Walang araw na hindi niya tinitingnan ang larawan nito at palagi pa rin siyang nakikibalita sa nangyayari sa babae. Ayaw niya mang gawin iyon pero iyon ang inuutos ng kanyang puso. Tama nga ang sinasabi ng iba na mahirap pigilan ang puso lalo na kang tu
