NAPAAWANG na lamang ang labi ni Jen nang makita niya ang kalunos-lunos na sinapit ni Jackson nang papasukin siya siya ng nurse. Nakabenda ang ulo nito at maraming sugat sa katawan. May malaking bandage rin ito sa hita. Tumulo na lamang ang kanyang luha dahil sa awa sa lalaki. Pakiramdam niya ay pinipiga ang puso niya ng mga oras na iyon. Hindi niya alam kung saan hahawakan si Jackson dahil pakiramdam niya ay masasaktan ito kapag hinawakan niya. Isa pa, wala pa rin itong malay hanggang ngayon. Dinala na ito sa ICU upang mabantayan ng mga doctor. Napailing na lamang siya. Inutusan niya na rin ang maid nito na ipaalam sa pamilya ni Jackson sa ibang bansa ang sinapit ng lalaki. Nakatanggap na siya ng tawag mula sa mga ito. Walang ibang pwedeng mag-alaga ngayon kay Jackson kundi siya lamang at
