Magmula nang nalaman ng anak ni Danielle na siya ang tunay nitong ina ay mas lalo lamang silang naging malapit ni Dani. Sa kuwarto ng anak siya palaging natutulog at inila-lock na lamang niya ang pintuan para hindi makasilip si Drewner kapag dumarating ito mula sa trabaho. Ilang araw na rin silang hindi nakakapag-usap ni Drewner at aminin man niya o hindi sa kanyang sarili ay hindi maipagkakailang namimis niya ito. Ngunit dapat niyang supilin ang ano mang nararamdaman niya dahil walang patutunguhan iyon. Dapat ay mag-pokus siya sa kanyang dalawang anak at sa pagbawi ng kompanya ng kanyang ama na ninakaw ng mag-ama Lucy at Leo.
Pagkalipas ng dalawang Linggo ay nagkaroon din sa wakas ng pagkakataon si Danielle na mailabas si Dani at maisama sa bahay niya para makilala ang kakambal nito. Is
