MAKALIPAS ang ilang araw na may lumitaw na mga lalaking nagsabi tungkol sa pagkakautang ng kanyang magulang ay nandito sa harap niya ngayon ang mga ito para humingi ng pera. Pansin niya ang pamamayat, at panlalalim ng mga mata nina Ashlin at Gavin.
"Natutulog pa ba sila nang maayos?" Tanong ni Autumn sa sarili habang nakatitig lang sa kanyang magulang. Kasalukuyang paalis pa lang sila ni Ashton para pumasok sa trabaho at ito rin ang huling araw ng pagpasok niya dahil kailangan niyang asikasuhin na ang mga kailanga nila para sa kanilang nalalapit na kasal sa Disyembre.
"Au-tumn, a-nak, pasensya na kung nandito kami ng mama mo. Hihingi lang sana kami ng pera." Nauutal na sabi ni Ashlin sa anak.
"Anak? Bakit ma? Naging anak ba talaga ako para sa inyo?" Sumbat na sabi ni Autumn. Mabut
