ILANG buwan ang lumipas simula ng makadaupang palad ni Kylie si Paulo, at ilang araw na rin na hindi nila matukoy kung ano nga ba sila.
May MU sila as in Malabong Usapan, at hindi Mutual Understanding. Hindi matukoy ni Kylie pati na rin ni Paulo kung ano nga ba ang meron silang dalawa. Paminsan-minsan ay pumupunta si Paulo sa bakery ni Kylie upang bumisita pagkatapos ng trabaho nito galing sa TelCom kapag hindi naman makapunta si Paulo ay si Kylie naman ang pumupunta sa bahay ni Paulo.
Kasalukuyan ngayong na sa bahay ni Kylie si Paulo para magpaturong gumawa ng leche flan. Habang abala sila sa paghihiwalay ng pula, at puting itlog ay naglakas loob si Paulo na tanungin si Kylie ng tungkol sa kanila.
"Kylie, may tanong lang ako. Sana huwag mong masamain," seryosong sabi ni Paulo. Ma
