"Sinong buntis ang tinutukoy mo, Wayne?"
Nanlaki ang mga mata ni Wayne habang nakatingin sa dalaga na nakapamaywang na sa harapan niya ngayon. Napalunok siya at pilit na ngumiti.
"W-Wala naman, baby," nauutal niyang sabi sa kaharap. Kinakabahan siya sa hitsura nito dahil para bang kulang na lang ay sakmalin siya sa galit ng mga mata nito.
"Ano nga iyong sinabi niya sa atin, Craig? Ano nga iyon?"
Sinamaan niya ng tingin si Ken. May himig kasi ang boses nito na pang-aasar sa kaniya. Binantaan niya ang mga ito gamit ang kaniyang nakakamatay na tingin para manahimik na ang mga ito. Ngunit, ang mga kaibigan niya ay nakangisi lang at walang balak talaga na tumahimik.
"Mag-iisip muna ako." Kunwaring nag-isip si Craig ng ilang segundo habang nakaturo sa sentido nito ang daliri. "Naalala ko
