Chapter 25
Nang nakalabas na si Zia, kaagad niyang binuksan ang pinto. Nanlaki ang kaniyang mga mata dahil sa kaniyang nakikita. Hindi niya inaasahan na pupunta ito sa bahay niya.
Bakit ito nandito? Akala niya ay sa susunod pang linggo ito bibisita sa kaniya?
"Nay, akala ko ba sa susunod na linggo pa kayo bibisita dahil nagbabakasyon pa kayo nina Tata?" Tinanong niya ang ina pagkatapos niyang pagbuksan ito ng gate.
"Hindi ba ako welcome rito, Zia?" nagtatampong tanong nito.
Nagtatakang tiningnan niya ito. "Nay, hindi naman sa ganoon. Ngunit hindi ba sinabi mo pa nga sa telepono na sa susunod na linggo pa kayo bibisita ni Tatay," nagtatakang sabi niya.
"Diyan ka muna, Nay. Ipaghahanda kita ng meryenda." Pinaupo niya ito sa sofa sa sala nila at tinalikuran niya ito para ipaghanda na it
