NAALALA NA NI Jaime na noong sumabog nga ang speedboat, nakatalon pa sila ni Yael sa tubig at kakaagad siya nitong niyakap. Tila may kung anong bagay niyang tumama sa kanilang dalawa at tuluyan silang inilubog nito sa tubig. Doon na rin siya nawalan na ng malay.
Habang nagpapagaling si Jaime ay araw-araw naman din niyang binibisita si Yael sa silid nito, gusto niyang makitang magising na ito at makapagpasalamat man lang sa ginawang pagprotekta sa kanya sa lahat ng bagay.
Nakaupo ulit si Jaime sa tabi ng kama ni Yael at dito nagpapalipas ng maghapon. Madalas makatulog si Jaime na nakapatong ang ulo sa kama ni Yael at hawak nito ang kamay ng binata.
"Jaime..."
Tila dahan-dahan nagising si Jaime at napabangon mula sa pagkakayuko.
"Yael?" hindi naman siya makapaniwala sa nakikita niya nga
