"ALRIGHT GUYS, we're in positioned." saad pa ni Troy sa wireless tap nilang apat habang pasimpleng naglalakad at tinutulak ang trolley sa cabin hall ng mga guest bilang isang housekeeping steward sa isang malaking cruise ship.
(Copy that.)
Sagot naman ng tatlo na nasa iba't ibang parte at lugar din ng cruise ship. Si Clein na nakapuslit na papasok sa Engine Room at nakatago kung saan upang hindi siya makita ng iba. Si Jaime naman na nagpanggap bilang isang guest at naka-dine in ngayon sa main buffet restaurant ng cruise. At si Yael na nakaabang na sa Bridge Room kung nasaan ang kapitan ng barko para mabantayan ito.
Nagkaroon sila ng tip na isang malaking grupo ng mga pirata sa Caribbean Sea ang balak na i-ambush ang pinaka malaking cruise ship sa buong mundo na ang Symphony of the Seas.
