Euan’s POV
We decided to celebrate Tovee’s birthday in La Union. Nabanggit sa akin ni Rosaleen ang pagkahilig ni Tovee sa pagsu-swimming kaya naisip ko na magpunta kami rito dahil nakapasyal na ako rito at alam kong mag-e-enjoy si Tovee sa lugar na ito lalo na sa alon sa dagat na ito. Hindi pa man kami nakabababa sa sasakyan ay naririnig ko na ang pagkausap niya sa Mommy niya na nakikita niya ang alon sa dagat. Paulit-ulit pa niyang itinanong kay Rosaleen kung pupunta siya roon at kung puwede na kaagad siyang maligo. Napag-pasyahan namin na hindi na mag-imbita ng marami dahil family bonding na rin namin ito.
Napangiti ako na nararamdaman ko ang excitement kay Tovee. Hindi ko muna iniisip ang paghahanap ng trabaho at kung paano sasabihin kay Rosaleen ang pag-re-resign ko, ayaw ko na pag-a
