Rosaleen’s POV
Nagising ako noong narinig ko ang boses nina Kuya Lance at Euan na nag-uusap at nagtatawanan pa. Gabi na ako nagising kaya naman pakiramdam ko ay sumakit ang ulo ko sa sobrang haba ng tulog na nagawa ko ngayong araw.
“Gising ka na pala. Nagugutom ka na ba? pagtatanong sa akin ni Euan.
“Mukhang pagod at puyat ka, ah?” Napalingon ako kay Dad! Si Dad ang nagsalita! Dali-dali akong tumayo at lumapit sa kanya para yakapin siya! Hindi ko na nga napigilan ang luha ko dahil masayang-masaya ako na nagising siya! Akala ko ay kung ano na ang nangyari sa kanya! Salamat naman at gising na siya! Narinig ko pa nga ang pagtawa niya sa naging reaksiyon ko. Hindi naman niya ako masisisi dahil lubos akong nag-alala sa kanya. Hindi naman na siya bata kaya kaunting komplikasiyon sa katawan ay
