Euan’s POV
Sa ngayon ay wala naman kaming nagiging problema sa opisina. Smooth ang mga trabaho namin kaya hindi pa ulit kami nagkikita ni Mr. Lacanillao at ang madalas na uma-attend sa meeting ay si Lance. Ang kainaman naman kay Lance ay professional siya sa mga ganitong bagay kaya kahit lantaran niyang sinabi sa akin na ayaw niya ako para sa kapatid niya ay hindi naman siya namemersonal kapag nasa trabaho. Ayaw rin niyang magpatawag ng Sir kaya tinatawag namin siya sa pangalan.
Pinagsabihan naman niya ako na huwag akong makampante sa pananahimik ng Dad nila dahil ganito rin daw ito noon bago magdesisyon na palayasin si Rosaleen. Honestly, kung itong trabaho ko ang mawawala sa akin ay kaya kong tanggapin kaysa sina Tovee at Rosaleen pa ang mawala sa akin. Hindi ko sila hahayaan na mawala
