Warning ?
Donna
PAGDATING ng hapunan ay ibang ulam ang hinain sa amin ni Reed ng mga kasambahay. Walang pork steak na gusto ko sanang iulam namin ni Reed ngayong gabi. Ang pork chop ay inihaw na lang nila. Ayos lang din naman sa akin dahil masarap naman ang pagkakaihaw. Yun nga lang parang wala akong ganang kumain.
"Are you ok baby?" Untag sa akin ni Reed sa pagitan ng pagnguya.
Bumaling ako sa kanya at ngumiti. "Ayos lang ako Reed."
"Are you sure? Parang wala kang ganang kumain ah."
"Hindi naman. Medyo busog pa kasi ako pero syempre sasabayan pa rin kitang kumain." Pinasigla ko ang boses para di sya mag alala.
Ngumiti sya at marahang pinisil ang pisngi ko.
"Ay nako Reed, alam mo ba ang ginawa nitong asawa mo kanina?"
Natigilan ako ng marinig ang boses ni Manang Salve na par
