Donna
MATAMAN akong nakatingin sa sarili sa salamin habang inaayos ko ang necktie ng uniform ko. Kaunti lang ang nakain ko kanina. Sa school na lang ako kakain kapag nagutom ako. Medyo maaga pa para pumasok pero papasok na ako. Ayokong makita ang mukha ni Barbara. Naiinis ako.
May mga dala syang pasalubong para kanila Manang Salve, Ate Ophelia at Ate Elena. At kumpirmadong magkasama sila ni Reed sa Cebu ayon na rin sa kwento nya. Dumaan lang daw sya dito para ihatid ang pasalubong para sa tatlo. Pero duda akong yun ang pakay nya. Alam kong pakay din nyang asarin ako.
Bumuntong hininga ako at sinipat ang sarili sa salamin. Ng makuntento na ako sa hitsura ko ay dinampot ko na ang bag at sinukbit sa balikat. Lumabas na ako ng kwarto.
Habang pababa ng hagdan ay tinawagan ko si Mang Kary
