“Sir, hanggang dito na lang po kayo…”
Mariing napapikit si Dwight nang harangin siya ng nurse habang pinapasok ang uncle Ramon niya sa emergency room. Kritikal ang tama nito sa tiyan at masyadong maraming dugo na ang nawala kaya halos hindi na ito makapagsalita nang itakbo sa ospital.
Puro pangalan ni Saraya ang binabanggit nito sa kanya habang nasa ambulansya sila kaya parang sasabog ang utak niya sa pag-iisip kung ano ang gusto nitong sabihin sa kanya.
“Uncle! Uncle, you need to wake up, alright?!” mariing sambit ni Dwight bago tuluyang bitawan ang kamay nito at ipaubaya sa mga doktor.
Hindi niya alam kung narinig pa siya nito pero sumubok pa rin siyang kausapin kahit na hindi siya sigurado kung may malay pa ito nang tuluyang makarating sila sa hospital.
Gulong-gulo si Dwight at mas
