“Boyfriend na ba talaga kita, Ninong?”
Hindi maiwasan ni Dwight ang mapangiwi nang marinig ang tanong na iyon ni Saraya. Kakatapos lang nilang pagsaluhan ang isang matagal at mainit na halik na binigay niya dito pagkatapos ay magtatanong ito sa kanya ng gano’n.
Gustong-gusto na nga niyang iuntog ang ulo dahil sa kung anong kalokohan ang pumasok sa isip niya at nagtanong siya kay Saraya ng gano’n. Alam naman niyang malaki ang posibilidad na sabihin ni Saraya na gusto pa rin siya nitong maging boyfriend.
At ngayon na sinagot siya nito ng positibo ay hindi tuloy niya alam kung paanong pangangatawanan ang kalokohan niya!
Anong gagawin niya ngayon na girlfriend na niya si Saraya? Nababaliw na talaga siya kung iisipin niyang maiiwasan niya pa itong hawakan gayong halik pa lang ang pinagsaluh
