Bantay-sarado ang private room sa ospital kung saan naroon ang uncle Ramon ni Dwight. Pagdating niya sa labas ng kwarto kung nasaan ang uncle niya ay kailangan niya pang magpakilala na pamangkin nito at ilabas ang ID para lang makapasok siya sa loob.
Sa totoo lang ay kabadong-kabado siya sa kung ano ang pwede nilang pag-usapan ng uncle niya. Wala naman siyang kinalaman sa kung ano ang relasyon meron ang mga ito pero hindi niya maintindihan kung bakit pakiramdam niya ay tuluyan na siyang naitali sa mga ito dahil sa kasalukuyang nangyari kay Isabel.
Nang buksan ng mga bantay ang pinto ay agad na sinarado ng mga ito iyon kaya naglakad agad siya palapit sa uncle Ramon niya.
Nakahiga pa rin ito sa hospital bed pero mukhang maayos na ang lagay nito. Nakahinga si Dwight ng maluwag nang makitan
