(MADAM’S HASIE'S POV)
“HINDI AKO AALIS dito sa bahay ko dahil kailangan kong hintayin ang anak kong si Ruffa!” Malakas na sigaw ko sa aking mga tauhan. Dali-dali kong kinuha ang aking cellphone upang tawagan si Ruffa. Ngunit hindi ko na matawagan ang cellphone nito.
Nasaan na ba ang aking anak? Hanggang sa nagmamadali uli akong pumasok sa loob ng kwarto na kung saan naroon si Xaron.
Nakita kong nandito pa ito sa sahig at nakadapa. Galit na galit akong lumapit dito at mahigpit ko itong hinawakan sa buhok niya habang nanlilisik ang mga mata ko.
“Ito ang tandaan ko Xaron! Oras na may mangyari sa aking anak! Papatayin kita, kayo ng anak mong si Xavier!” Sabay sampal sa mukha nito ng ilang beses.
“Karma na ‘yon ng anak mo at huwag mong isisi sa akin. Nagtiwala ako sa anak mo pero huda
