Halos kabababa ko lang ng cellphone ko nang lumabas si Maribel mula sa banyo.
Dahan-dahan siyang naglalakad palapit sa akin habang ang isang kamay niya ay nakalapat sa tiyan niya.
Ano kayang mayroon sa tiyan niya?
Ba't kaya lagi niyang hawak-hawak iyon?
“Kain na tayo? Saan mo gusto?” tanong ko nang makalapit siya sa akin. Ang buhok niya na nagulo ay inayos ko muna bago ko hinawakan ang kamay niya. “Kain na muna tayo bago tayo mag-ikot-ikot ulit.”
“Puwede bang umuwi na lang tayo?”
“Ha? Bakit? May problema ba?” takang tanong ko. "Pagod ka na ba?"
“Ang sakit na kasi ng mga paa ko,” sagot niya sa akin. “Gusto ko sanang magpahinga na lang ako sa bahay dahil napapagod na akong maglakad. Ayos lang ba sa iyo kung umuwi na tayo?”
“Oo naman.” Mabuti na lang tapos na ang ipinapagawa ko k
