Nang matapos sina Mang Rolly at Isaac sa pagbaklas ng mga dingding dito sa bahay ko ay biglang lumiwanag ang lahat. Animo'y dinaanan ng bagyo dahil lahat ng gamit ko ay nasa labas na rin.
Walang nagawa ang pagwawala ni Maribel para pahintuin sina Mang Rolly dahil ako ang sinunod ng dalawa.
Pinauwi ko rin muna ang mga kaibigan ko para makapag-usap kami ni Maribel ng masinsinan.
Nakaupo ako ngayon sa mahabang kahoy na upuan habang si Maribel ay pabalik-balik na naglalakad sa harapan ko na halatang galit na galit sa ginawa ko.
“Paano na ngayon ‘yan, ha? Anong gagawin ko ngayon? Saan na tayo hihiga?” Ipinatapon ko kasi sa labas ang kama ko. Lahat ng gamit ay ipinatapon ko maliban sa refrigerator at TV. “Saan na tayo matutulog nito, Revas?”
“Oras na para umalis ka rito sa bahay ko,” sery
