SARIWA PA rin sa isip ko ang mga nangyari kagabi. Kung paano ako naging masaya ngunit labis naman ang paghihinagpis na naranasan ni Jerson. Hindi ko alam kung ilang beses ko siyang sinuyo para lang kausapin ako. Laman pa rin ng isipan ko ang naging usapan namin kagabi.
"Bhie.. kausapin mo naman ako, o, kahit tingnan man lang." Nanatili siyang tahimik sa kabila ng mga sinabi ko. Kaya naman gumawa ako ng paraan para kahit magawa niya man lang akong tingnan. "Akala ko ba ay susuportahan mo ako? Akala ko ba ay wala kang pagdududa sa relasyon natin?" At doo'y nagtagumpay ako na palingunin siya. Kaya naman nagtagpo ang aming mga mata at nakita ko roon ang tunay na kalungkutan. Isang buntong hininga pa ang pinakawal ko bago muling nagsalita, "Bhie, ayoko naman na maging unfair ka sa akin na magi
