HINDI KO alam kung bakit dinala ako ng sarili kong mga paa sa work place ni Rafael matapos kong mag-out sa trabaho. Bigla ko kasing naalala ang mga huling sinabi sa akin ni Celestine nang minsan itong tumawag gamit ang number ni Rafael. Pakiramdam ko'y may hindi sa akin sinasabi si Rafael tungkol doon at hindi ko maintindihan kung bakit gusto ko 'yong malaman.
"Bakit ka naparito, Jeerah?" Mukhang hindi niya inaasahan ang aking pagdating.
Kaya naman pinangko ko siya ng tingin at hinila sa kung saan ay hindi gaanong dinadaanan ng tao. "Raf, may ilan lang akong katanungan at gusto kong sagutin mo 'yon ngayon din," sinserong sabi ko na bahagyang nagpataas ng kilay niya.
"Okay, ano ba 'yon?"
"Bakit nakipagkita ka ulit kay Celestine pagkatapos ng lahat? At bakit niya ako sinisisi na ako ang
