TILA RAMDAM ko pa rin ang pagkakasabunot sa akin ni Celestine kinabukasan. Hindi ko talaga makalimutan kung paano siya kaapektado kahit na wala naman talagang namamagitan sa amin ni Rafael. Mabuti na lang talaga at nandoon si Rafael para ipagtanggol ako sa baluktot na dahilan ng babaeng 'yon para awayin ako. Sa kabila ng nangyari ay ayokong i-open ang nangyaring iyon kay Jerson dahil baka mas lalong gumulo pa ang sitwasyon. Lalo na at magkakaanak na kami.
"Jeerah, nabalitaan ko kay Jerson na nagsuka ka kahapon, kumusta na ang pakiramdam mo? Nahihilo ka ba ngayon?" Iyon ang ibinungad sa aking katanungan ni Mama nang maabutan niya akong nagsusuklay ng buhok sa may tapat ng salamin na nasa salas.
Maaga kasi siyang bumisita sa inuupahan naming bahay dahil pupunta rin naman siya ng palengke p
