LUMIPAS PA ang mga araw ay nanatiling malamig ang pakikitungo sa akin ni Jerson. Ang nakapagtataka pa nga ay naging mainitin na rin ang ulo niya magmula nang gabing iyon. Pero hindi ko na muna masyadong pinansin 'yon dahil busy kami ngayon sa school. Ngayon kasi ang araw ng aming graduation pictorial. At nagpaalam din ako sa boss namin na hindi ako makakasilip sa salon ngayon. Kaya sa bahay pa lang ay nag-ayos na ako at nagbihis ng magandang damit na bihira ko lang suotin. Pagkatapos no'n ay nagwisik ako ng pabango at siyang tunog naman ng cellphone ko.
"Hello?" pagbungad ko rito. At napansin ko naman na napalingon sa akin si Jerson.
"Nasaan ka na, be? Sabi mo on the way ka na?" Boses iyon ni Mikas mula sa kabilang linya.
"Sorry na.. marami pa kasi akong ginawa ngayong umaga bago nakapa
