HINDI MAALIS ang pagkakatitig sa akin ni Jerson habang suot-suot ko ang gown para sa isang mahalagang pagdiriwang ngayon. Ang Sta. Cruzan kung saan ay ako ang Reyna Elena.
"Napakaganda mo ngayon, bhie. Pero hindi pa rin talaga ako makampante na siya ang escort mo," wika ni Jerson habang hindi ako nakalingon sa kaniya.
Nang ibaling ko ang tingin sa kaniya ay hindi maipinta ang kaniyang mukha. Kaya naman para mapawi 'yon ay pasimple akong lumapit sa kaniya para siya'y siilan ng halik sa pisngi. "O, ngayon? May pagdududa ka pa rin ba sa relasyon natin?"
"Kailanma'y hindi ako nagduda sa relasyon natin, Jeerah. Ang kinatatakutan ko lang ay baka bigla kang ma-out of love sa akin," sinserong aniya. At dahil ayokong umiyak ngayon dala ng make up na bumabalot sa aking mukha ay nagawa ko na lang
