HINDI KO akalaing mas magiging komplikado pa ang sitwasyon kung kailan bumalik si Jerson ng hindi ko inaasahan. Dahil kinabukasan ay tinotoo niya nga ang ilang katanungang nakapagpangamba sa akin.
"Kailan pa kayo naging close no'ng Rafael na 'yon?"
"Bhie, galing sa break up si Rafael at kinailangan niya ng isang kaibigang katulad ko," pagpapaliwanag ko. Subalit lumabas lamang ang kaniyang ngisi.
"So, nagpauto ka naman? Alam mo, Jeerah. Hindi malabong magustuhan ka niya lalo na sa panahong wala ako sa tabi mo!"
Doon ako natahimik. Dahil halos matumbok niya ang tunay na nararamdaman para sa akin ni Rafael. Pero gusto ko pa rin patunayan sa kaniya na kailanma'y hindi nagbago ang pagmamahal ko sa kaniya.
"Alam ko, pero Jerson, siya 'yung lalaking nilapitan ko no'n nang dahil sa isang re
