JULIAN MARCO POINT OF VIEW
Tahimik kong minamasdan ang screen ng laptop ko habang nakaupo sa opisina. Wala akong ibang marinig kundi ang tunog ng air conditioning at ang mahinang ingay mula sa baba kung nasaan ang mga players ko. Karaniwang araw lang ito para sa akin—o iyon ang akala ko. Pero simula nang dumating si Monique sa CK Club, tila nagiging hindi normal ang mga araw ko.
Hindi ko maipaliwanag kung bakit, pero parang may kakaibang presensya siyang dala. Palaging maingay, masigla, at masyadong makulit para sa akin. Pero sa kabila ng lahat, hindi ko rin maitanggi na minsan ay napapangiti niya ako.
Habang nasa kalagitnaan ako ng pag-ayos ng ilang game strategies para sa tournament, biglang bumukas ang pinto ng opisina.
“Julian!” sigaw ni Monique habang naglalakad papasok nang hind
