41. THE CONFESSION
Pinipigilan ni Maxine na huwag lumingon. Patuloy siyang naglalakad paalis sa mansyon habang pinupunasan ang mga luha niya at nilalabanan ang damdamin. "Sandali lang, Maxine. Bagalan mo ang paglalakad mo at mahina na ang mga kasu-kasuhan ko," pigil ni Alejandro. Hindi narinig ni Maxine ang sinambit ng matanda hanggang sa nakaramdam na lang siya ng biglaang pagkirot ng kaniyang noo. Bahagya rin umikot ang kaniyang paningin na sanhi ng kaniyang paghinto. Napahawak siya sa kaniyang sentido at kaniya iyong minasahe. Sa pagkakataong iyon ay nahabol na ng matanda si Maxine at pumunta sa unahan nito. Doon na lang siya napansin ng dalaga. Nabigla siya at inalalayan ang pagod na pagod na si Alejandro. "A-ayos lang po ba kayo, sir?" "Okay lang ako," mabilis niyang tugon at saka siya huminga nan
- Writer
