TULALA si Rachelle habang nakatitig sa kisame. Parang teleserye na napapanood niya doon ang nakaraan ng buhay niya. Iginala niya ang tingin sa buong kuwarto. Hindi iyon nagbago buhat ng araw na ipina-renovate iyon ni Loi at naging garden theme. Ang mga dekorasyon na poinsettia at sunflowers na hiling niya ay natupad kaya naman kahit na kababakasan na ng kupas ang pinta ay wala siyang balak na ipabago. Her room always brought her the feel of her old home in Baguio.
At dahil sa naging usapan nila ng mommy niya, mas lalong naramdaman niya kung saan siya nanggaling.
Sa nakalipas na labinlimang-taon ay hindi niya nakalimutan iyon. Nang lumaki siya ay regular na siyang umaakyat ng Baguio na hindi na nakikiusap sa papa niya na ihatid siya doon. Bukod sa maintenance ng bahay ay inalagaan din ni
