“KAILAN mo pa ginawa ito, Jake?” gulat na gulat na sabi niya nang dalhin siya nito sa pad nito. Ibang-iba ang itsura niyon buhat nang huli siyang matuntong doon mga dalawang linggo na ang nakalipas. Hindi lang ang kakaibang linis ang napuna niya, mas higit ang pagkakaiba ng ayos niyon at ang mga dagdag/bawas na kasangkapan. Hindi na rin black and white ang dominanteng kulay sa paligid. Nangingibabaw na ngayon ang pastel blue at green. At meron na ring nakatayong mataas na Christmas tree sa isang sulok ng sala!
“A few days bago ako nag-propose sa iyo, sinimulan ko na ito. Hindi pa naman ito tapos. Siyempre, ikaw na ang magiging boss dito kaya ikaw na ang mag-finalize. Sinimulan ko lang talaga. Excited, eh. Look, I bought a Christmas tree already. Pero wala pang mga sabit. Gusto ko tayong d
