“YOU HEARD me right,” sabi niya kay Luis. “Ang dali lang sabihin, ‘no? Pero siyempre, napakahirap gawin.”
“Pagbibigyan mo ba si Lara?” tila tumutulay sa alembre na tanong nito sa kanya.
“Ano ba ang mararamdaman mo kung sasabihin ko sa iyo na ayaw ko?”
Blangko ang ekspresyon na ibinigay nito sa kanya. “Hindi ko alam,” mayamaya ay sagot nito.
“Alam mo bang parang ang sama-sama kong kapatid? Na parang napaka-selfish ko kung hindi ko siya pagbibigyan?” Tuluyan nang tumulo ang luha niya. “Hindi lang si Ate Lara ang kumausap sa akin kundi pati sina papa at mommy. At first, yes, naisip ko siyang pagbigyan. I talked to Jake about it. Nagalit si Jake. And I realized tama din naman si Jake sa katwiran niya. Lumayo ako. Matagal din akong hindi nagpakita. Pero hindi ako nakatiis. Kinumusta ko sila
