“LOVE, GISING na.” Bahagyang tapik sa balikat niya ang gumising sa kanya. Ang ubod-liwanag na signage ng Jollibee ang nahagip ng mata niya nang dumilat siya.
“Maynila na po ito?” tanong niya. Kagaya ng nakasanayan niya sa Baguio ay puno ng sasakyan ang paligid. Hile-hilera rin ang mga kainan sa highway.
“Tarlac pa lang ito,” sagot ni Albert. “Kumain muna tayo.”
“Hindi po ako nagugutom, Papa.”
“Sabi mo lang iyan palibhasa ilang araw na tayong walang ganang kumain. Halika na, kailangan nating kumain. Saka si Lito, tiyak na gutom na rin.” Inalalayan siya nito sa pagbaba at pumasok na sila sa fast food.
Alam na alam ng papa niya ang mga paborito niya. Nang balikan siya nito sa mesa ay inihain nito sa kanya ang spaghetti at chicken joy. Meron ding french fries at chocolate sundae. At dahil
