“MASARAP sigurong tumira sa Baguio, ano?” sabi sa kanya ni Lara habang kumakain sila. Silang dalawa na lang ang naiwan sa hapag-kainan. Ang Papa niya at si Tita Loi--- na parang nahihirapan pa siyang tawaging Mommy ay mabilis nang tinapos ang almusal. Sabi ng papa niya ay may pag-uusapan lang ang mga ito tungkol sa negosyo at nagpunta na sa home office ng mansion.
“Masarap,” sagot naman niya habang inuubos ang mainit na Milo. Hindi niya alam kung bakit parang mas masarap inumin ang Milo na tinitimpla sa kanya ni Lerma. Pero dahil alam niyang hindi dapat magsayang ng pagkain ay pinipilit niyang ubusuin iyon.
“Kahit ba kelan, hindi mainit doon?” tanong na naman nito.
"Minsan-minsan lang. Sa mismong bahay namin laging malalamig. Madami pa din kasing puno sa palagid namin saka walang mga bu
