KUMUNOT ang noo ni Matteo nang pagliko pa lang ng kotse niya sa compound ng apartment na tinutuluyan ng kanyang ina ay nakita niya ang sasakyang nakaparada sa tapat niyon. May ibang bisita yata ang kanyang ina. Pagkatapos ay may biglang sumagi sa kanyang isip. Napapreno siya kahit ilang metro pa ang layo sa nakaparadang sasakyan.
Naroon pa rin ang hinala ni Matteo nang bumaba siya ng sasakyan at saglit na tumitig sa bahagyang nakaawang na pinto ng apartment. Mukhang masyadong distracted ang nagbukas niyon kaya nakalimutang isara. Sandali siyang nag-alinlangan bago tahimik na naglakad palapit doon. May pakiramdam si Matteo na may malalaman siyang bagay na dapat alam na niya noon pa man.
“Bakit hindi mo sinabi sa akin?!”
Napahinto si Matteo sa harap mismo ng pinto nang marinig niya ang
