“NAGUSTUHAN mo?” tanong ni Matteo sa kanyang inang si Melai na iginagala ang paningin sa loob ng town house na pinaplano niyang bilhin para dito. Ipinakansela pa ni Matteo kay Sanchez ang lahat ng appointment niya kahapon ng hapon para hanapin ang bahay na iyon. Kaninang madaling-araw ay bumiyahe si Matteo para sunduin ang kanyang ina at dinala roon. Gusto kasi niyang makalipat na ito agad.
Bumaling kay Matteo ang kanyang ina at ngumiti. “Maganda. Pero Matt, hindi ba ito masyadong malaki para sa ating dalawa? O may balak ka pang itira dito maliban sa akin?” biro nito.
Alam ni Matteo kung sino ang tinutukoy ng kanyang ina at bahagya siyang napangiti. Kung si Matteo ang tatanungin gusto rin niyang tumira sa iisang bahay kasama si Yu. Sa katunayan, gusto niyang nasa tabi ng dalaga hanggang
