HINDI alam ni Yu kung paano niya nagawang makarating sa Diamond Records at malampasan ang napakaraming reporters sa ibaba ng condominium building at sa tapat ng building ng Diamond Records kahit pa tila umiikot pa rin ang kanyang ulo sa nalaman niya. Pero hayun siya, nakaupo sa sofa sa opisina ni Rick, napapalibutan ng mga kaibigan niyang magkakasunod na dumating para puntahan siya. Si Cham ay nasa tabi ni Yu, halatang nag-aalala pero hindi nagsasalita. Hindi pa rin niya inaalis ang dark shades na kanyang suot dahil kahit sa mga ito, ayaw niyang ipakitang namamaga ang kanyang mga mata sa labis na pag-iyak.
Biglang pumasok si Rick. Ito ang humarap sa press para sabihing hindi muna magkokomento si Yu sa isyu kaya napatingin silang lahat dito. Nagtama ang mga mata nila ni Rick at napabuntong
