Mataas na ang sikat ng araw at ramdam nila ang init nito. 70 kilometers mula sa mainland, ay hindi na nila tanaw ang Palawan. Ang tanawin—360 degrees na karagatan na higit-kumulang na 200 feet ang lalim. Walang ibang bangka o yate sa paligid.
"Kung tutuusin mababaw pa ito," sabi ni Jules. "Ang average lalim ng ocean ay nasa 12 to 14,000 feet. Pero, dahil sa presence ng mga reefs at atolls, kaya hindi ganoon kalalim ang tubig dito."
"Ha? Ataol?" pagtaas ng kilay ni Hannah.
"Atoll!" pag-korek ni Jules at natawa na lamang.
Maya-maya'y lumutang sina Tulsa, Mayor Arteza at Vic mula sa dagat.
"Look! Dey are back!" turo ni Father Deng na may hawak na saging. Habang naghihintay ay binigyan sila ng makakain ni Jean-Pierre. Chips, fruits at soda cans.
"Nakita n'yo na?!" sigaw ni Hannah habang
