Mula sa mahimbing na tulog ay bigla akong naalimpungatan dahil sa sunud-sunod na katok sa pinto.
Ilang sandali pa muna akong nakipagtitigan sa hindi pamilyar na kisame bago ko naalala lahat ng mga kaganapan kahapon, simula no'ng dumating ako sa bansang ito hanggang sa dinner kagabi sa bahay ng mga magulang ng dalawa kong boss.
Nang muli kong narinig ang katok ay mabilis akong napabangon sabay baba sa kama. Nahagip ng tingin ko ang orasan na nasa nightstand ko kaya napagtanto kong sobrang late na ng alas otso para sa duty ng isang bodyguard.
Habang papalapit sa pintuan ay inihanda ko na ang sarili mentally sa matatanggap kong sermon mula sa kung sino mang kumakatok. Ramdam ko kasing with feelings na iyong ginagawa nitong katok tipong puwede nang i-classify as emotional outlet.
May gut
