Ilang sandali pa at nasa biyahe na kami. Tahimik kong pinakiramdaman ang kasama namin ng driver na nasa likuran.
Nang sulyapan ko ito sa rearview mirror ay abala ito sa kung anong tinitingnan sa kaharap na laptop.
Pagkalipas ng halos sampung minuto nang pananahimik ay si Sir Coco na rin ang unang nagsalita.
"You're not to speak unless I ask you to," seryoso niyang utos mula sa likuran.
Nang mag-angat ako ng tingin sa rearview mirror ay agad nagsalubong ang mga mata namin. Malinaw na para sa'kin ang utos niyang iyon.
"And when we arrive, act like you belong," pagpapatuloy niya habang hindi bumibitiw mula sa pakikipagtitigan sa'kin. "No unnecessary glances, no reactions, no questions."
"Yes, Sir."
Nang muling nanahimik si Sir Coco ay ibinalik ko na ang tingin sa harapan namin. Wala
