"Thank you, Mico," nakangiting pasasalamat sa'kin ni Sir Mhilo pagkababa nito matapos kong pagbuksan ng pinto.
Abot hanggang batok ang ngiti ko dahil parang ang sweet pakinggan ng boses niya, sobrang layo talaga sa kakambal nito. Sakto namang pagkalampas sa'kin ni Sir Mhilo ay sakto namang bumukas ang kabilang pintuan at bumaba si Sir Coco nang kusa at walang nagbubukas para sa kanya.
Nagtagpo ang mga mata namin ni Sir Coco. Halata sa matalim nitong tingin ang pagkayamot nito, pero matamis na ngiti lang ang binigay ko sa kanya na, 'yung tipong parang wala akong kasalanan sa mundo. Hindi yata maganda ang epekto ng ngiti ko dahil lalong ikinadilim ng mukha niya.
Pero bago pa siya makapagsalita ay pina-flip hair ko na siyang tinalikuran at mabilis na sumunod kay Sir Mhilo. Marami naman kam
