Chapter 28
Hailey Sophia Medrano
MAAGA kaming nagpaalam kina Kuya Bryn kinabukasan. May interview si Brayden ng alas tres sa Maynila, live pa raw ito. Hindi puwedeng ma-late.
“Next time mas matagal na ha,” sabi ni Gina habang nagbe-beso kami. “Mag-stay kayo overnight ulit.”
Ngumiti lang ako. “Sure po.”
Kagabi, kahit nasa iisang bahay kami, magkaibang kwarto ang tinulugan namin. Hindi ko alam kung bakit umasa ako.
Akala ko… kahit papaano. Pero pagkaakyat pa lang namin sa hallway kagabi, dumiretso siya sa kabilang pinto.
“You take that room,” sabi niya. “I’ll use the other one.”
Hindi ko na tinanong kung bakit. Siguro nag-iingat lang siya. Nandiyan ang kapatid niya. Hipag niya. Mga pamangkin niya.
Lahat kailangan malinis. Ngayon, habang binabaybay namin ang daan pabalik ng Maynila,
