NO, NO! Don’t give up. Noooo!
“No! Julienne!” Humihingal na bumalikwas si Edward. Tumitig siya sa kadiliman ng kanyang silid. Ang panaginip na iyon na naman. Panaginip na hindi niya maalala, subalit sa pagkakataong ito ay nasa dibdib pa niya ang damdamin na marahil ay nararamdaman niya sa panaginip. His chest was frantically heaving in and out. Nakakadama siya ng walang-kapantay na takot. Bahagya pa nga siyang nanginginig.
Saan ako natatakot? tanong niya sa sarili. Inihilamos niya ang mga palad sa kanyang mukha. Mayamaya ay natigilan siya. Tinawag niya si Julienne. Hindi basta pagtawag lang. Tila naghahalo-halo ang depresyon, pag-aalala, at takot sa kanyang tinig. Kung ganoon, posible na nasa panaginip niya si Julienne?
Inabot ni Edward ang cell phone niya na nak
