I LOVE you so much I feel like I’m walking in heaven. Mula nang makilala kita, pakiramdam ko ay nasa loob ako ng isang ipuipo. Napakabilis ng pangyayari, nagising na lang ako na lulong na ako sa `yo. Ni hindi ko alam na capable pala ako sa ganitong damdamin. Oh, Julienne, my Julienne. I’ll go crazy if I can’t have you.
Iyon ang mensaheng dumating kay Julienne via text message, galing kay Edward. Bagaman nakahiga na siya sa kanyang kama ay hindi naman siya makatulog. Iniisip niya ang tita ni Edward at ang naging reaksiyon nito sa kanya. Tila kilala nito ang kanyang ina, gayunman, bukod sa pagiging tulala at tamilmil na pagkain ay wala namang nababanggit na ano pa man ang ginang. Tila nasa ibang dimensiyon ang isip ng ginang. Naging napaka-awkward tuloy ng nangyari kanina dahil si
