EDWARD! hiyaw ni Julienne sa kanyang isip nang magmulat siya ng mga mata. Malakas ang pagtambol ng kanyang dibdib at naghahabol siya ng hininga. Napansin niya na puting kisame ang kanyang nakikita, nang igala niya ang paningin ay pulos puti rin ang kanyang nakikita. Isang ospital.
We’ve been rescued. Thank God! Akala ko ay mamamatay na ako sa ilog na iyon… Marahil ay dumating sa tamang oras ang tulong. O kaya naman ay nailigtas din siya ng binata mula sa creek pagkatapos saka dumating ang rescuer.
Nasaan na si Edward? Ano na ang nangyari sa kanya?
Walang tao sa suit niya. Hinagilap ni Julienne ang buzzer sa may ulunan niya para tumawag ng atensiyon ng doktor o ng kahit na sino. Kailangan niyang malaman kung ano na ang nangyari kay Edward.
Ilang sandali l
